Собранието вработува 12 државни службеници, Управата за матични книги 82…

Агенцијата за администрација објави оглас за вработување на 12 државни службеници во Собранието на Република Македонија на различни работни позиции. Се бараат:  Собраниски државен советник за безбедносни прашања и безбедносен надзор, 56.900, Собраниски државен советник за политички систем, Помошник раководител на сектор за работни тела на Собранието, Советник – Архитект, Соработник – Асистент за административна поддршка на раководителот на парламентарниот институт, Одделение за библиотека и други.

Платите варираат од 27.600 до 56.900 денари, зависно од работните места.

Како што стои во огласот, селекцијата ќе се врши во три фази: административна селекција се спроведува во рок од 15 дена од завршувањето на објавениот оглас, испит за административен службеник се спроведува во рок кој не може да биде пократок од 10, а подолг од 30 дена од завршувањето на фаза 1 и истата се снима и емитува во живо на интернет страницата на Агенција за администрација и проверка на веродостојност на докази и интервју се спроведува во рок од 10 дена од завршување на фаза 2.

Огласот трае до 8 февруари.

Оглас за вработување тече и во Управата за водење на матични книги и тоа за за 82 државни службеници на различни работни места и Подрачни единици. Во Министерството за економија пак е отворен оглас за над 30 нови вработувања.