Сончево и топло време во нoвата работна недела

Во наредниве денови очекувајте постепено покачување на температурата.

Денес е понеделник, 202-от ден од годинава. Сонцето изгреа во 5 чассот и 19 минути, а ќе зајде во 20 часот и 5 минути. По свежиот викенд денес времето ќе биде сончево со мала до умерена облачност, а максималната дневна температура ќе достигне до 29-от степен.

Утре (вторник) нѐ очекува слично време, односно сончево со мала до умерена облачност, додека температурата ќе се движи од 16 до 31 степен. Во среда времето ќе биде сончево и топло со мала облачност и температури од 17 до 32 степени.

Во четврток како и во петок нѐ очекува сончево и топло време со мала до умерена облачност со услови за дожд и ретки грмежи во попладневните часови. Температурата ќе се движи помеѓу 18 и 33 степени во четврток, односно помеѓу 19 и 34 степени во петок.