Гостивар
Совет Гостивар: Расправата за ребалансот се претвори во политичка кавга
Наместо дискусија за ребалансот на буџетот, којшто беше ставен на дневен ред на денешната сединица, во Советот на Општина Гостивар се разгоре политичка кавга. Колку и што работела локалната власт, дали премиерот Заев го кочел напредокот на Гостивар, кој е заслужен за исплатата на долговите на општината и слично.
Најжестоката дебата се одвиваше помеѓу градоначалникот Арбен Таравари и координатрот на советничката група на СДСМ, Зоран Ангелов.
„Тие пари на Владата што ги спомнувате дадени за долгови, 50 милиони денари, тоа е една третина од долгот што сум го исплатил. А тие пари се наши пари, пари на граѓаните, исто како за општината. Јас излегувам пред вас и кажувам, ова е вака, буџетот е така, инвестиците се тие, смеете да ме прашате се`, достапен сум ви 24 часа. Премиерот треба да знае дека и Гостивар е во Македонија, не е надвор од неа. Е сега, не му се исполнила желбата, тоа се избори. Граѓаните одлучиле да гласаат проив СДСМ и зарем за тоа треба да го уништиме Гостивар. Не е коректно.“, рече од говорницата Таравари.
Ангелов му реплицираше:
„Градоначалник, јавно манипулирате со јавноста. Прво, кога го немавте мнозинството за вашите неуспеси ви беше виновен Советот, сега виновен ви е премиерот Зоран Заев. Јас конкретно ве прашав за луѓе коишто го тужат комуналното претпријатие затоа што им должи пари, кога ќе им се исплатат тие пари. Не е во ред да кажувате овде вакви работи. Вие како општина не можете да го решите еден најосновен проблем како што е на пример проблемот со кучињата скитници, децата не можат на училишта да одат наутро. Нема канализации, има неасфалтирани улици како во 19 век да живееме. Тоа е основната работа на секој градоначалник и на секоја општинска власт. А вие на каубојски начин избравте претседавач на Совет, ги сменивте комисиите, надзорните одбори“.
На крај, ребалансот беше усвоен со гласовите од мнозинство во Советот. Освен тоа, Советот донесе и одлуки за доделување на субвенции на јавните претпријатија, поништување на договор со рудник во Чегране, извештајот за работата на ПС Гостивар и други одлуки.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 3 месеци
Гостиварско архиерејско намесништво: Распоред на дежурни свештеници за Задушница