Совети за полесно преживување на изолацијата

1. Рециклирајте го непотребните информации

Живееме во информациски стрес, „инсталирајте ментален антивирус програм“, заштитете се од искривени, неточни податоци, не се оптоварувајте со разни броеви и статистички податоци кои ви се некорисни и неважни.

2. Бидете опкружени со весели и позитивни луѓе

Не дозволувајте да бидете нечив контејнер за емоционални отпадоци – луѓе полни со лутина, горчина, мрзеливост, само ве влечат надолу.

3. Продолжете да учите и да се развивате

Се што во природата стагнира тоа и пропаѓа – континуирано инвестирајте во својата интелигенција, социјален и морален капитал – Вие сте сопствена фабрика и менаџер на самите себе!

4. Уживајте во мали работи

Задржете ја и одржувајте ја детската љубопитност – секојдневно изненадете се себе си и другите луѓе.

5. Смејте се често, долго и гласно

Смејте се додека останете без здив, не барајте изговор, барајте можности и заразите ги другите со позитивна енергија.

6. Солзите се случуваат

Само вистински јаките луѓе може да дозволат да бидат слаби. Соочете се, тагувајте и одете понатаму, единствена личност која е со нас целиот наш живот, сме ние самите. Не се спремајте да живеете, живејте го животот.

7. Правете ги работите кои што ги сакате

Без разлика дали е тоа семејството, домашното милениче, спомените, музика, приказни, хоби, било што. Креирајте опкружување кое ви поттикнува радост.

8. Негувајте го своето здравје

Ако е добро сочувајте го. Ако е нестабилно, подобрите го. Ако ви е потребна помош, побарајте. Не заборавајте здравите имаат 1000 желби, а болните само една.

9. Слушајте ги своите емоции – тие се знаците на вашата раскрсница

Не барајте виновник во самиот себе, следете ги емоциите тие ќе ве однесат на местото каде што нема чувство на вина.

10. Кажете им на луѓето кои ги сакате дека ги сакате, во секоја прилика

Никој од нас нема рок на траење, не знаеме што носи утрешниот ден. Дали ќе имаме прилика да кажеме или да направиме нешто што ни е навистина важно, затоа искористете го овој момент за убави и важни нешта.

11. Правете добро, мали работи со кои ќе развеселите нечиј живот

Повикајте некој кој долго не сте го слушнале, прашајте го како е и посакајте му убав ден.

Пишува: Слаѓана Анѓелкоска, доктор по психолошки науки