Гостивар
Советот го изгласа буџетот на Општина Гостивар за 2022-ра година
Советот на Општина Гостивар на денешната седница го усвои буџетот на локалната самоуправа за 2022-ра година. Со одредени предлози и измени, конечната проекција на буџетот е 1 милијарда 170 милиони денари.
Образложение за средствата предвидени во ставките пред советниците даде Садри Елези од општинскиот Сектор за финансии.
„Ова е реален, економичен и развоен буџет. Имаме критериуми за планирање, односно од последните три години реализација, плус 30%, и над тоа не смееме еден денар да поминеме. Средствата се планирани во приходи и расходи и по колони: основен буџет, буџет за самофинансирање, донации, дотации и кредити. Во основниот буџет имаме 375 милиони денари, тука ќе се реализираат програми и потпрограми, самофинансирање имаме кај градинките и училиштата кои имаат свои сметки, кај дотациите средствата доаѓаат од централниот буџет, кај донациите имаме информации за некои проекти кои ќе се реализираат и од општината и од донации и кај кредитите имаме еден долгорочен кредит за канализација, која веќе се гради, над 2 милиони евра, од која сума 20% ќе се опфатат во 2022-ра. Се знае, буџетот се полни од даноци, такси и други давачки од граѓаните и фирмите, тоа се изворите на самофинансирање на општината: од персонален данок, данок на имот, комунални такси, неданочни и капитални приходи и трансфери. Овие средства ќе се трошат по програми и потпрограми.“, рече Елези.
Градоначалникот Арбен Таравари кажа дека освен од дотации од централно ниво, за училиштата и градинките ќе се издвојат пари и од финансиите на општината, а ќе се намалат трошоците во ставката за градоначалник.
„И претходно многу пари како општина сме издвојувале за градинките и училиштата и тие не случајно изгледаат поинаку од оние во други градови. Значи надвор од дотациите. Капитални инвестиции во градинките и училиштата од сопсвени средста следната година ќе имаме околу 400.000 евра. Исто така до сега, сме го преполовиле трошокот кај градоначалникот, а така ќе продолжиме и понатаму“, рече Таравари.
Предлозите за измените кои без вметнати и изгласани ги даде советникот од ВМРО ДПМНЕ, Гоце Димовски, кој е претседател на Комисијата за финансии. Тие се однесуваа на покачување на средствата во Програмата за спорт од 3 на 4 милиони денари, за програмата за животна средина од 1 на 3 милиони денари и во делот за проект кој оди преку Светска Банка дополнителни 24 милиони денари.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар