Тридневен хуманитарен хепенинг во Гостивар во пресрет на Новата Година

Градскиот плоштад во Гостивар денес, утре и во недела е место кадешто дечињата може да се дружат и фотографираат со Дедо Мраз и кловн, да ја покажат својата хуманост, но и да добијат подарок во духот на Новата Година. Сето тоа е во рамки на хуманитарниот хепенинг, што го организира Здружението „Анисија“.

„Сакаме да внесеме радост и насмевки кај дечињата во овој предновогодишен период и да придонесеме за поубава празнична атмосфера во Гостивар. Секако, најважен е солидарниот аспект на настанот. Децата се фотографираат со Дедо Мраз и во кутија за донации оставаат пари според можноста, а тие средства ќе се наменат во хуманитарна цел. Потоа, од штандот на кој имаме изложено рачни изработки со новогодишни мотиви си избираат сами свој подарок“, рекоа организаторите.

Хепенингот продолжува утре и во недела во периодот од 11 до 15 часот.