СП 2018: Денес ќе ги добиеме последните патници во осминафиналето

Четрнаести ден на Мундијалот во Русија. Едно е сигурно, после вчерашниот ден Светот ќе добие нов Светски првак во фудбал. Репрезентацијата на Германија го заврши натпреварувањето после поразот од Кореја. Шведска, Мексико, Бразил и Швајцарија се новите осминафиналисти. Денеска ќе ги добиеме и последните две двојки од осминафиналето од групите Х и Г.

Од 16 часот истовремено играат Јапонија-Сенегал и Полска-Колумбија. Освен Полска, останатите три селекции се во игра за првите две места во групата Х. Натпреварите ќе се играат на Волгоград, односно Самара арена.

Во вечерниот термин од 20 часот во рамки на групата Г, ќе се пресметаат Панама-Тунис и Англија-Белгија. Во оваа група познати се патниците во осминафиналето, тоа се селекциите на Англија и Белгија, се чека само конечен распоред на табелата. Натпреварите ќе се одиграат во Саранск и Калинград.

Освен последните два пара познат е распоредот во осминафиналните пресметки. За влез во четвртфинале ќе се борат:

30 јуни
Уругвај-Португалија
Франција-Аргентина

1 јули
Шпанија-Русија
Хрватска-Данска

2 јули
Бразил-Мексико
?-?

3 јули
Шведска-Швајцарија
?-?