Според Народна банка каматите на кредитите бележат намалување

Народна банка во извештајот што го објави за позначајни движења кај каматните стапки на банките во април, анализира дека каматите бележат намалување. Во април, просечната каматна стапка на вкупните кредити изнесува 5,23%, со што продолжил нејзиниот тренд на месечно и годишно намалување. По три месеци без промени, забележан е минимален месечен пад кај просечната каматна стапка на вкупните депозити за 0,01 п.п., со што таа се сведе на нивото од 1,41%. На годишна основа оваа камата бележи намалување за 0,05 п.п.

Според Народна банка во април, каматната стапка на вкупните кредити на домаќинствата се намали за 0,03 п.п., и изнесува 5,98%. Пониската каматна стапка е резултат на падот кај каматните стапки како на денарските кредити без и со валутна клаузул, така и на кредитите во странска валута. Во однос на април 2018 година просечната каматна стапка е пониска за 0,35 п.п.