Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 21/09/2018

Спортски игри во гостиварското училиште „Гоце Делчев“

Второодделенците од ООУ „Гоце Делчев“ во Гостивар учествуваа во спортски игри под мотото ,,Избери го вистинскиот спорт”.

Проектот, што го спроведува Сојузот на спортски федерации на Македонија, Агенцијата за млади и спорт и Факултетот за физичко образование, има за цел децата од одделенска настава да се мотивираат и преку забава да се едуцираат за различните спортови со кои потенцијално може да се занимаваат. Преку активноста се подигнуваат свеста и самодовербата кај учениците и се создаваат здрави навики и начин на живеење, велат организаторите.

Спортските игри ги водеа советник по физичко образование од Бирото за развој на образованието, професори и студенти од Факултетот за физичка култура, како и наставници по физичко образование и одделенска настава.
По завршување и презентација на спортските содржини, училиштето доби донација на спортски реквизити за потребите на наставниците од одделенска настава при одржување на часовите по физичко образование.

Оставете коментар

Вашата Емаил адреса нема да биде објавена.Задолжителните полиња се означени *

*