Siguri më e madhe e këmbësorëve, biçiklistëve, motoristave – projekt i policisë në Gostivar dhe Tetovë

Sektori i punëve të brendshme Tetovë i finalizoi përgaditjet e fundit për realizimin e projektit të ri preventiv-informativ dhe edukativ “Siguri më e madhe e këmbësorëve, biçiklistëve, motoristave dhe vozitësve të trotinetëve elektronik dhe njoftimi me rregulloret më të rëndësishme dhe ndryshimet e Ligjit për siguri të trafikut të rrugëve”. Bartës i projektit është Dega për preventivë, kurse prezentimi i tij praktik është planifikuar për datën 18 to këtij muaji në Tetovë dhe më 19-tin në Gostivar.

Në kuadër të projektit parashikohet organizim i takimeve njëditore informative për këmbësorët, biçiklistët, motoristat dhe vozitësit e trotinetëve elektronik, të cilëve efektivët e policisë nga Stacioni policor në Tetovë dhe Reparti për siguri të trafikut rrugor nga afër do t’ua prezantojnë gazetat e rregulloreve ligjore, e do të prezantojnë edhe këshilla të dobishme për këtë kategori të pjesëmarrësve të trafikut. Përveç kësaj, do të distribuohen edhe mbi 2000 fletushka të bëra me porosi, në gjuhën maqedone dhe shqipe, përderisa në fazën e dytë të projektit është planifikuar edhe mbajtja e ligjeratave të komunikacionit për shkelësit.

“Qëllimi i projektit, motoja e së cilës është “Vetëm përvoja është dituri, gjithçka tjetër është informacion dhe edukim” është informim i drejtëpërdrejtë, këshilla dhe indikacione që të kontribuohet për siguri më të madhe të këmbësorëve, biçiklistëve, motoristave dhe të vozitësve të trotinetëve elektronik, të cilët këto ditë në numër të madh takohen në mes pjesëmarrësve të komunikacionit në zonën më të gjerë të Pollogut”, thanë nga SPB.