Србиноска, носител на листа за ИЕ 6 од ИНТЕГРА: Нудиме конкретни решенија да го подобриме животот на граѓaните

Почетокот на предизборната кампања во шестата изборна единица, Македонската конзервативна партија Интегра го означи со прес конференција во Гостивар на носителот на листата, Виолета Србиноска.

„Од денес во наредните 20 дена, јас и мојот тим ќе пристапиме до сите наши пријатели, роднини, комшии, до сите населени места, до секој граѓанин и ќе разговараме за неправдите и понижувањата што изминатите 30 години ги преживува обичниот граѓанин. Триесет години грабеж, осиромашување и омаловажување од двете најголеми политички партии во државата. 30 години уништување на целокупниот систем и меѓусебно амнестирање од криминалот. Нудиме конкретни предлози и решенија како да го вратиме достоинството на Македонецот во својата држава, да го подобриме животот и конечно секој граѓанин да биде задоволен и горд на својата етничка припадност“, рече Србиноска.

Во програмата на Интегра е опфатено решавањето на статусот на бранителите.

„Конечно по толку години, ИНТЕГРА во својата програма како никој досега, има решение за бранителите кои 2001 година крвавеа во рововите и ја одбранија татковината. Овие луѓе не смееме д ги оставиме на маргините на општеството како до сега, а камо ли да ги ставиме ов ист ранг со останатите“, нагласи носителот на листата.

Во своето излагање, Србиноска истакна дека како партија нема да дозволат 6 изборна единица да биде предмет на договори помеѓу албанските партии од една и македонските од друга страна. Како носител на листата, ја побара поддршката од граѓаните за партијата што ја претставува и ги повика масовно да излезат на гласање.