Средба на новите градоначалници на Гостивар и Врапчиште

Градоначалниците на општините Гостивар и Врапчиште, Арбен Таравари и Исен Шабани денес остварија средба, разговараа за актуелната сосотјба во општините со кои раководат и ги разгледаа модалитетите за спроведување на потребните реформи, со посебен акцент на соработката на ниво на Полошкиот регион.

” Како две соседни општини, Гостивар и Врапчиште имаме многу идентични проблеми, а некои од нив можат да се решат само заеднички. Би го спомнал, при оваа прилика, управувањето со отпадот, проблем кој што чекаме да се реши благодарение на поддршката од страна на Швајцарската амбасада, со кои како што е информирана јавноста, деновиве имав работна средба”, изјави Таравари.

Шабани истакна дека ова му е прва официјална посета како градоначалник и дека ќе има високот ниво на соработка за заедничките прашања кои ги засегаат граѓаните. „Општината ја наследив со долг од над 2,3 милиони евра, но се надевам дека со добро управување и отворена соработка ќе излеземе од оваа незавидна состојба”, рече Шабани.

Средбата на градоначалниците се одржа во општина Гостивар