Среќен Светски ден на младите!

Денешниот датум, 12 август се одбележува како Меѓународен ден на младите. Востановен е со резолуција на Обединетите Нации во 1999-та година, со цел да се сврти вниманието на јавноста и на властите за потребите, проблемите и предизвиците на младата популација.

Годинешното мото на денот е Младинско ангажирање за глобално дејствување, што подразбира инклузивно, намерно, меѓусебно почитувано партнерство меѓу младите и возрасните, како и важноста од придонесите на младите луѓе и нивното застапување и вклученост во формална институционална политика кое може да се подобри.

„Доколку младите имаат достоинствени услови да дејствуваат, да го искажат своето мислење и ставови, да се ангажираат во внесување на нови идеи, тогаш нивниот придонес за подобро општество и иднина ќе биде непроценлив“, се вели во пораката на Обединетите нации по повод Светскиот ден на младите.

Нека е среќен за сите млади и за оние кои се чувствуваат така!