Здравје и убавина
Студенилото на екстремитетите како симптом
Студени прсти на рацете и нозете се честа и сосема нормална појава кај жените, но сепак, никако не би требало да се игнорираат бидејќи може да претставуваат симптоми за некои многу посериозни болести и тоа:
Анемија
Покрај ладни раце и стопала, најчести знаци на анемија се замор и главоболки. Ако имате 2 од овие 3 знаци, проверете го железото во крвта. Недостатокот на кислород е главната причина за овој студ.
Дијабетес
Чувството на студ и трпнење на рацете и стопалата се едни од првите знаци на дијабетес.
Шеќерна болест или дијабетес (лат. diabetes mellitus грч. διαβήτης) е хронично системско пореметување на метаболизмот, кое се карактеризира со хипергликемија, т.е. трајно зголемување на нивото на глукоза во крвта. Генерално е условен од наследни фактори, а настанува како последица на намалено излачување или намалено биолошко дејство на хормонот инсулин, односно во комбинација на овие два фактори. Тој недостаток ја попречува размената на јаглени хидрати, масти и белковини во организмот (што се манифестира со карактеристични тегоби), а по подолго време влијае и на структурата и функцијата на крвните садови, нервите и другите витални органи и органски системи.
Дијабетесот има огромно влијание врз крвотокот и нервниот систем, па не би било лошо да си го проверите здравјето.
Проблеми со тироидната жлезда
Намалената функција на тироидата (штитната жлезда) може да го успори метаболизмот, а како последица на тоа да се јави и ова студенило во екстремитетите.
Во штитната жлезда се синтетизираат два основни хормони: тироксин и тријодтиронин. За нивната синтеза се потребни големи количества на јод .
Кај возрасни луѓе, поради намаленото лачење на тироидните хормони, доаѓа до намалување на метаболизмот, намалување на телесната температура, груба и отечена кожа, забавени реакции, незаинтересираност итн.
Заморот, летаргичноста, поспаноста и успорениот говор, се уште некои од симптомите што ја следат оваа состојба.
Стрес
Стресот е најчеста причина за ова студенило. Стресот го зголемува излачувањето на адреналин што доведува до стегање на крвните садови. Со тоа се намалува и циркулацијата.
Прва помош против студенилото на екстремитетите
Во вакви случаи добро би било да ги опуштите екстремитетите и нежно да ги протресете. За да го решите трајно овој проблем, би требало здраво да се храните и да бидете физички активни. Каква било физичка активност ќе биде од корист.
Во соработка со Е наука
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар