Судир на три возила во Гостивар, едно лице со тешки повреди

Вчеравечер (3 јули) во 21 часот и 15 минути во СВР Тетово пријавена е сообраќајна несреќа во која учествувале три моторни возила: две патнички, „фолксваген голф“ со тетовски регистарски ознаки управувано од 47-годишниот Ќ.И. од тетовско Желино и „мерцедес“ со гостиварски ознаки управувано од 34-годишниот гостиварец В.С., како и товарно возило „пежо“, исто така, со гостиварски ознаки, што го управувал 47-годишниот А.У. од гостиварско Здуње.

„Во несреќата, возачот на „пежото“ се здобил со тешки телесни повреди констатирани во гостиварската Општа болница „Ферид Мурад“. На местото на несреќата увид извршила екипа од Одделението за внатрешни работи Гостивар.“, соопшти СВР.