Свеченост и благодарници за крај на „Летната школа“ во Гостовар

Едномесечната „Летна школа“ во Гостивар, денес се заокружи со завршна манифестација која се одржа во малиот парк до општината. На настанот присуствуваа деца учесници во активностите, ментори и гостиварската локална самоуправа, како организатори.

Во школата, која се одржа по втор пат, учествуваа околу 500 основци, кои имаа можност  бесплатно да се вклучат во курсеви за изучување странски јазици, шах, спорт, уметност, музика, архитектура, планинарење итн.

„За разлика од минатата година, кога учеството можеби беше помасовно, но имаше одредени недостатоци, годинава организацијата беше многу подобра. Се надевам и посакувам оваа Летна школа да стане традиционална. На учениците можеби и не им е така по воља кога ги следат редовните часови во училиште и секогаш покажуваат поголем интерес за воннаставните, слободните активности, посебно што Летната школа дава избор на области кои ги нема во редовната настава. Беше корисно лето без мобилни телефони, но со знаење и ангажман во различни области за дечињата. Горд сум што Секторот за образование одлично си ја заврши работата.“, истакна градоначалникот Арбен Таравари, кој во оваа прилика им додели благодарници на менторите.

Завршниот настан беше збогатена со музички изведби, а присутните може и да погледат дел од уметничките дела создадени од учениците во текот на школата.