Таравари во посета на дежурните служби – Новогодишната ноќ до сега мирна, зголемен број пациенти на Брза помош

Градоначалникот на Гостивар, Арбен Таравари заедно со својот тим вечерва беше во обиколка на дежурните служби во Противпожарната единица, Полицијата и Брзата помош.

„Ова е седма година по ред како ги посетуваме дежурните служби, разговаравме дали се екипирани, дали има проблеми, за среќа во противпожарна и полиција до сега нема проблеми и инциденти, во Здравствен дом поради сезона на грип има малку повеќе работа, но така е во здравствените служби. Со мали, скромни подароци им посакувавме среќни новогоишни празници, здравје и се најубаво во новата година, посакавме да имаат што помалку работа, а камо среќа воопшто да немаат“, кажа градоначалникот.