Тешко повредена гостиварка по пад од прозорец од четври кат

Гостиварската полиција регистрира случај на тешко повредена жена по пад од четврти кат од станбена зграда. Според информациите од Секторот за внтарешни работи, настанот се случил вчера попладне околу 17 часот и 45 минути на улицата „Мара Угринова“ во Гостивар. Триесет и едногодишната гостиварка паднала од прозорец од четвртиот кат на станот кадешто престојувала. Од паѓањето, се здобила со повеќе тешки телесни повреди. По укажаната лекарска помош во гостиварската болница, итно била префрлена на скопските клиники.

Извршен е увид и се расветлуваат сите поединости поврзани со овој случај, соопштува полицијата.