Гостивар
Трансфузиологија во Гостивар има доволно резерви на крв, пандемијата не го попречи дарувањето
Крводарувањето во Гостивар се одвива редовно и во време на ковид пандемија. Службата за трансфузиологија во гостиварската болница до сега не бележи недостиг на резерви на крв и крвни продукти. Од таму велат дека понекогаш може да се јави случај со итна потреба од поретките крвни групи, која ако во моментов ја нема, брзо се обезбедува, за пациентот да биде опслужен навремено.
„Располагаме со доволно резерви на крв. Многу ретко може да има потреба за поретките крвни групи како на пример А негатив или Б негатив, но реагираме брзо, повикуваме наши редовни крводарители и ја обезбедуваме навреме. Мора да кажам дека дарителите во Гостивар се многу хумани и на таков повик веднаш доаѓаат.“, рече д-р Кадри Елези од Службата за трансфузиологија.
Лекарите оценуваат дека крводарувањето е безбедно, според протоколи за заштита од коронавирус. На сите што влегуваат во службата им се мери температура, а дарителите поминуваат и рутински преглед. „Некој страв поради пандмијата кај крводарителите нема, но се запазуваат сите мерки на заштита, како тие самите, така и ние се грижиме за нивното здравје. Само тие што ќе ги исполнат сите услови може да даруваат крв“, нагласи д-р Елези.
Минатата година трансфузиологија собрала 1.450 единици на крв, од кои околу 700 биле искористени за пациенти во гостиварската болница, а останатите испратени за здравствените установи во Тетово и Скопје.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница