Двајца министри објавија дека се корона позитивни

Во два дена, двајца министри објавија дека имаат позитивни резултати на тестовите за коронавирус. Министерот за економија Кресник Бектеши вчера, а министерот за образование Арбер Адеми денес, преку фејсбук соопштија дека се заразени и им порачаа на граѓаните да се чуваат и да ги почитуваат мерките.

Бектеши и Адеми се кадар на ДУИ.

Во продолжение нивните објави на фејсбук:

Кресник Бектеши: „Драги пријатели,
Сакам да ве известам дека и покрај максималните напори за почитување на протоколите и мерките за заштита од коронавирусот, добив информација дека сум позитивен на КОВИД-19 тестот направен утрово.
За среќа, немам никакви симптоми и се чувствувам добро, а членовите на моето семејството по денешното тестирање се негативни на тестот за КОВИД-19.
Ве повикувам сите да се придржувате кон протоколите и мерките за заштита, ви посакувам се најдобро на вас и вашите семејства!
Заедно со вашата поддршка, ќе го надминеме овој предизвик!
Здравје и среќа за сите!“

Арбер Адеми: „Драги пријатели, роднини и соработници,

Ве известувам дека по неколку благи симптоми вчера и сомневања дека можеби сум заразен со СОVID-19, го направив тестот и за жал тестот е позитивен!

Апелирам до сите вас да ги почитувате максимално протоколите заради вашето здравје и здравјето на вашите најблиски.

Ви посакувам се најдобро на вас и вашите семејства!“