Три земјотреси регистрирани во околина на Маврово

Телеметриската сеизмолошка мрежа одржувана од Сеизмолошката опсерваторија при Природно-математичкиот факултет во Скопје, рано утринава, 24.05.2021 година, регистрира три земјотреса и тоа во 3 часот и 52 минути, 4 часот и 59 минути и во 6 часот и 15 минути, од епицентралното подрачје Тетово-Гостивар. Како што информираат од Сеизмолошката опсерваторија епицентрите на овие земјотреси се наоѓаат на 65km југозападно од Скоpje во околината на Маврово и беа првите два со локална Рихтерова магнитуда ML3.2, додека третиот со магнитуда ML2.4.

„Според досегашните податоци првите два земјотреса беа почувствувани од населението во Маврово со интензитет од IV степени според Европската макросеизмичка скала, додека во Гостивар и Кичево со интензитет од III степени а третиот земјотрес беше почувствуван во Маврово и околината со интензитет од III степени според истата скала.“, стои во информацијата