Тримесечје Гостивар: Се родиле 179 бебиња, а три починале

Природниот прираст на населението на подрачјето на гостиварската општина во првите три месеци од годината е позитивен, односно има повеќе новородени отколку починати лица.

Според податоците кои ги објави Државниот завод за статистика, во јануари, февруари и март 2018 година, во Гостивар се родиле 179 бебиња. Бројот на починати е 144 починати, од кои три се доенчиња.

По број на новороденчиња за овој период, Гостивар е меѓу петте општини на врвот на листата заедно со Тетово, Куманово, Битола и град Скопје.

На ниво на Македонија, според Државниот завод за статистика, во првото тримесечје од 2018 г. бројот на живородените деца, во споредба со истиот период од претходната година, е намален за 1.6 % и изнесува 5.255. Бројот на умрените лица бележи намалување од 11.4 % во споредба со истото тримесечје од 2017 год. и изнесува 5.432 лицa, а од нив 22 се умрени доенчиња. Природниот прираст на државно ниво изнесува -177, што значи за толку лица е помал бројот на живородените деца од бројот на

умрените лица.