Вести
Утре во Гостивар промоција на краток филм за поддршка на лицата со ихтиоза
„Да градиме и живееме во општество еднакво за сите. Гласот на ретките болести е посилен кога сме заедно.“ Ова се пораките кои Гостивар ќе ги испрати по повод месецот за подигнување на јавната свест за ретката болест – ихтиоза. Одбележувањето е најавено за утре, вторник со промоција на краткометражен филм за подигнување на јавната свест за болеста.
„Мај е месец за подигнување на јавната свест за ИХТОЗАТА! Широката јавност се запозна со оваа ретка болест пред повеќе од една година. Сакав преку еден краткометражен филм од околу 8 минути да ги прикажам моите 28 години живот. Живот кој го живеам со предизвици, не како живот кој значи мрак, криење и срам, туку како живот кој значи надеж и истрајност, живот во кој со леснотија ќе ги надминувам предзивиците затоа што ги очекувам, живот во кој јас ќе носам светлина. Преку овој краткометражен филм сакаме да ја подигнеме свеста за ИХТИОЗАТА, нивната интеграција, да ги охрабриме и да ја поддржиме борбата и истрајноста на лицата со ретки болести и нивните семејства. Овој краткометражен филм е само уште еден мал придонес во потрагата за подобар живот, едноставно да градиме и живееме во општество еднакво за сите“, вели Јосиф Мишевски од гостиварско Тумчевиште кој е пациент со ихтиоза.
Настанот се реализира со поддршка на Прокам Студио и на Здружението на граѓани со ретки болести „Живот со Предизвици“ , а во соработка со Coffee Club PEOPLE кадешто и ќе се одржи промоцијата.
„Јосиф го запознав пред неколку години и ми беше мило што има толку надеж и позитивна енергија, со желба да помогне, не само да бара помош. Ретките семејства се такви, секој подава рака на другиот, затоа што знаеме колку боли. Почнувајќи од проблемите за добивање дијагноза, па продолжувајќи со потрага по информации, по третман, по контрола на болеста која ја носиме доживотно.“, вели Весна Алексовска, претседател на „Живот со Предизвици“.
Утрешната промоција на филмот, кој е снимен во Тумчевиште е закажана со почеток во 11 часот.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница