Удрил со автомобил во полицајци на улица во Гостивар

Вчера (3 март) околу 12 часот и 45 минути, во СВР Тетово бил приведен 25-годишниот А.М. од гостиварско Чегране, кој на улица „Браќа Ѓиновски“ во Гостивар одбил наредба на полициски службеник. „Потоа со патничко моторно возило „фолксваген туран“ со гостиварски регистарски ознаки удрил во двајца полициски службеници  и подоцна на улицата „Мајор Чеде Филиповски“ се обидел  да удри во уште неколку полициски службеници.“, соопшти СВР.

По целосно документирање случајот против него ќе биде изготвен соодветен поднесок.

Исто така, вчера Б.С. 23 годишен од Сенокосе пријавил дека претходниот ден околу 19 часот и 30 минути во Врапчиште физички бил нападнат од лице од Гостивар, а поради недоразбирања во сообраќајот. Се преземаат мерки за расчистување и документирање на случајот.