Уништени реквизити на новото шеталиште кај Вардар во Гостивар, општината апелира на совест

Новиот спортско-рекреативен центар покрај Вардар во Гостивар, за кратко време стана омилено место за прошетки и рекреаицја на граѓаните од сите возрасти, особено за време на викендите. Но, од фотографиите кои попладнево ги објави градоначалникот Арбен Таравари на фејсбук, може да се забележи дека дел од реквизитите се уништени.

„Една од најоправданите инвестиции што ги направивме во нашиот град е спортско-рекреативниот центар со пешачките патеки покрај реката Вардар. Создадовме простор за граѓаните на којшто можат да здивнат со убавата природа. Но, жалиме што забележуваме дека некои од реквизитите наменети за игра на децата се уништени од непознати поединци и причини. Најљубезно ги молиме и апелираме, наместо да го руинираат јавното добро. нека се обидат да уживаат во него, затоа што на овој начин фрлаат сенка врз вистинските гостиварци.“, напиша градоначалникот.