Уште две лица завршија во Полициската станица во Гостивар заради марихуана

Гостиварската полиција и ноќеска лиши од слобода лица кај кои била пронајдена марихуана. Ваквите акции на полицијата на подрачјето на Гостивар зачестија од декември 2018, а продолжуваат и во новата година.

МВР сопшти дека вчеравечер околу 22.40 часот, во селото Топлица, од слобода биле лишени 30 годишниот А.Ф. и 23 годишниот Е.А., двајцата од село Добридол. При претрес на патничко возило „БМВ“ со гостиварски регистарски ознаки, во кое биле лицата и при личен преглед кај нив била пронајдена марихуана, која била одземена и дадена на вештачење.

Двајцата биле задржани во Полициската станица Гостивар, а по целосно документирање на случајот против нив ќе следува соодветна пријава.