Уште еден измамен гостиварец – му зеле 300 евра за рачен часовник

Шеесет и петгодишен жител од гостиварското село Врапчиште, вчера ( 3 јули ) пријавил измама од две непознати лица. Во паркот на улица „Мајор Чеде Филиповски“ во Гостивар, околу  11 часот и 30 минути едното од лицата кое му се доближило и му се претставило дека е од Косово побарало да му помогне да се разберат со друго лице, наводно од Дубаи, а со кое претходно имале сообраќајна несреќа.

При тоа, непознатиот му побарал пари за да купел од странецот златен часовник кој чинел 2000 евра. Тогаш оштетениот му дал 300 евра, го зел часовникот и долго чекал да се врататат двете лица, кои наводно отишле да донесат други предмети, по што сфатил дека е измамен, информираат од полицијата.

Се превземаат мерки и активности за целосно расчистување на сите поединости поврзани со оваа измама.