Крвава тепачка во Гостивар – се користеле хебла, секира, тупаници

Од СВР Тетово, информираат за физичка пресметка која се случила денеска околу 10 часот на улица Беличица во Гостивар, во која учествувале повеќе лица.

Дваесет и четиригодишниот Е.И. од Лакавица, денеска околу 10 часот со возило „Голф“ со гостиварски таблици се движел по улицата „Беличица“ кон улицата „Бањешница“ во Гостивар. Движејќи се со неговото возило му го попречил патот на товарно возило „Мерцедес“ што го управувал Ч.Н. Тогаш возачот на „ Мерцедесот“ слегол од возилото со метална хебла во раката и меѓусебно почнале да се туркаат, а потоа  размениле и повеќе удари. На местото набрзо пристигнал и синот на Ч.Н. со уште едно лице, кој со нога удрил во „Голфот“, а потоа зел мала секира  со која замавнал кон братот на Е.И,  односно кон Е.И.( 26 ) кој му возратил удирајќи го по лицето, стои во соопштението од полицијата.

Случајни минувачи се вмешале во физичката пресметка и ги разделиле, а двајцата браќа од Лакавица се приведени во Полициската станица Гостивар за натамошна постапка.

Очевидци на настанот информираат на лице место биле присутни две возила на брза помош.