Гостивар
Уште една рисица во НП Маврово со GPS околувратник за следење, се вика Атиџе
Македонското еколошко друштво информираше дека означи нова единка од балканскиот рис близу селото Ничпур, во НП „Маврово“. Се работи за здрава женка тешка 14,5 kg, а стара околу 10 години. Рисицата се вика Атиџе, а била заловена минатиот месец, пред самиот прекин на теренските активности. Како и сите рисови досега, и таа носи околувратник и испраќа локации за своето движење.
„Утврдивме плен и сега сме сигурни дека Атиџе е добро и успешно се справува со сите предизвици. А што им е заедничко на Атиџе и Марко, нашиот прв рис? Сплетот на околности направи интересна игра на датуми и настани. Оваа првоаприлска вест е за минатиот месец, кога пред самиот прекин на теренските активности се случи обележувањето на Атиџе и тоа токму на истиот ден кога беше обележан рисот Марко! И ова е десетта единка за овие десет години. Убаво заокружување на досегашните теренски активности поврзани сесијата за рисот. Според нашите долгогодишни истражувања се проценува дека на Балканот има уште 40 возрасни единки на балкански рис, којшто според Меѓународната унија за зачувување на природата (IUCN) има статус на критично загрозено животно. Инаку Атиџе првпат ја имаме забележано на слика од фотозамка во 2013 година, кога во базата ја водевме под шифрата Б11. Мислиме дека името Атиџе подобро ѝ стои. Се гордееме со нашиот тим и ја поздравуваме плодната соработка со пријателите од НП „Маврово“! Иако сакаме нови терени, посебно на априлскиот снег, засега седиме дома и будно ја следиме ситуацијата. Останете дома и следете нѐ со новости!“, наведуваат од МЕД.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар