Успешните ученици од медицинско на прием во општина Гостивар

Групата ученици од средното медицинско училиште од Гостивар, која беше прогласена за најдобра во практична обука во Шпанија, денес беше во општината, на прием кај градоначалникот Арбен Таравари.

По тринеделниот студиски престој во Шпанија, младите медицинари се вратија во училишните клупи и кабинетите полни со нови искуства и знаења кои продолжуваат да ги применуваат.

„Горд сум што Гостивар има ваква младина, која реди успеси. Нашиот град е град од каде потекнува еден Нобеловец, Ферид Мурад и јас искрено се надевам дека идните генерации ќе продолжат да го промовираат Гостивар на таков начин“, рече градоначалникот.

Од гостиварското средно медицинско училиште, во Шпанија беше група од дваесетина ученици со нивни професори ментори.