Утре Ден без автомобили во Гостивар, централните улици затворени за возила

Светскиот ден без автомобили (22 септември) во Гостивар ќе се одбележи со активности за подигнување на свеста за загадувањето и велосипедски дефилеа.

Општина Гостивар информира дека во периодот од 11 до 14 часот, централните градски улици ќе бидат затворени за сообраќајот на моторни возила. Поконкретно, ќе бидат опфатени:

– улицата пред општинската зграда (од раскрсницата до мостот над реката Вардар)
– Улица М.Ч. Филипски (од болницата до центарот)
– улица ЈНА, (од плоштадот до раскрсница кај АИДА) и
– улица Илинденска од плоштад до раскрсница кај маркетот Монтенерго

Предвидени се и две дефилеа со велосипеди, за жени (со почеток во 11 часот) и за мажи (со почеток во 12 часот).

„Целта на оваа активност е да се намали глобалното затоплување барем за еден ден, поттикнувајќи ги луѓето да бидат помалку зависни од своите автомобили и да бараат други алтернативи.“, велат од општината со повик до граѓаните масовно да ја поддржат активноста.