Вакцинирањето против грип ќе започне за десетина дена

Министерството за здравство информира дека вакцинацијата против сезонски грип ќе почне на 22 ноември. За претстојната сезона набавени се 28.000 бесплатни вакцини за лица над 65 години, лица со хронични заболувања, деца на возраст од 6 месеци до 5 години, бремени жени, како и здравствени работници. Дополнително, набавени се и 21.000 комерцијална вакцина од Центрите за јавно здравство и овие вакцини граѓаните кои се заинтересирани за имунизација, ги плаќаат од свој џеб.

Граѓаните на кои им следува бесплатна вакцинација, може да закажат термин од 18 ноември, преку својот матичен лекар.

„Како и во изминативе сезони, пикот на активноста на вирусот на сезонски грип се очекува во месец февруари. Вакцинацијата во ноември и декември ќе обезбеди најголема заштита во периодот кога се очекува активноста на вирусот да биде највисока, а тоа е во месец февруари 2020 година.“, наведуваат здравствените власти.