(ВИДЕО) Локал крај патот Тетово-Гостивар полн со танчерки и гости, најден е и пиштол

Одделот за сузбивање на организиран и сериозен криминал, СВР Тетово и Одделот за специјални полициски операции вчера (10 јануари) спроведоа акција во угостителски објект во близина на автопатот Тетово-Гостивар, кој работел после дозволеното време. Во локалот биле затекнати 18 женски лица (15 од странство- Русија, Украина, Бугарија, Србија, БиХ , Латвија и три од РСМ), кои работеле како танчерки и придружнички на гости, а три женски лица од странство биле затекнати во собите од мотелот. Странските државјанки се приведени и предадени на Одделение за странци и реадмисија при РЦ Север за понатамошно постапување.

При претресот кај 30 годишник е пронајден и пиштол, кој е одземен за понатамошна постапка, а лицето е приведено. Во објектот биле затекнати 49 гости и седум вработени.  МВР најави дека ќе биде поднесена соодветна кривична пријава за непочитување на Одлуката на Владата за рестриктивни мерки за работа на угостителските објекти заради заштита на населението од Ковид 19.

МВР објави видео од акцијата.