Викенд временска прогноза

Времето денеска (петок) ќе биде сончево со мала до умерена облачност. Ќе дува слаб до умерен, а во западните делови повремено засилен ветер од западен правец. Минималната температура во гостиварско ќе биде 4, а максималната ќе достигне 19 степени.

За време на викендот, како што информираат од Управата за хидрометеоролошки работи, времето ќе биде променливо облачно со сончеви периоди и релативно топло. Во попладневните часови ќе има краткотраен локален дожд со ретки грмежи. Во сабота ќе дува умерен до засилен ветер од југозападен правец, а максималната температура ќе биде 17 степни. Во недела температурата ќе опадне за неколку степени.