Викенд временска прогноза

Ни претстои топол викенд, но очекувајте развој на нестабилна облачност во попладневните часови во наредниве денови.

Денес е петок, 206-от ден од годинава. Сонцето изгреа во 5 часот и 23 минути, а ќе зајде во 20 часот и 2 минути. Времето денес ќе биде сончево и топло со мала до умерена облачност, со тоа што во попладневните часови ќе има развој на нестабилна облачност па можен е пороен дожд, грмежи и засилен ветер. Температурата ќе се искачи до 34-от степен.

Утре (сабота) нѐ очекува слично време, односно сончево и топло со мала до умерена облачност. Попладне нестабилно со услови за локален пороен дожд, грмежи и засилен ветер. Температурата ќе се движи од 16 до 33 степени.

Во недела претпладне ќе биде сончево и топло со мала до умерена облачност, а попладне повторно се очекува нестабилно време со услови за поинтензивни процеси во форма на невреме, односно пороен дожд, грмежи и засилен ветер. Најниската температура ќе биде 18, додека највисоката ќе достигне 30 степени.