Висар Вишка глуми во Тв серија која почна да се емитува на BBC One

Вчеравечер на британскиот канал BBC One беше емитувана првата епизода од Тв серијата The Trial of Christine Keeler, во која глуми гостиварецот Висар Вишка. Серијата е создадена според вистинска приказна за познат секс скандал од 60-тите во Британија на британскиот политичар Џон Профумо и Кристина Келер, која била модел и танчерка. Вишка ја игра улогата на Евгениј (Еугене) Иванов, дипломат во Советската Амбасада во Лондон, со кого девојката исто така имала афера.

Висар Вишка е роден 1977 година во Гостивар. Дипломирал на Универзитетот „Св. Кирил и Методиј“ на Факултетот за драмски уметности – Скопје, на отсекот за актерска игра, во класата на Љубиша Георгиевски во 1999 година. Актуелно е в.д директор на Гостиварски театар. Освен театарски улоги, глумел во повеќе странски и домашни Тв серии и филмови.