Во акција на полицијата во Гостивар фатени пијани возачи

Вчеравечер (16/17 април) од 22 до 04 часот, полициски службеници на СВР Тетово спровеле акциска контрола на возачи, дали и колку од нив ги управуваат возилата под дејство на алкохол, во која се откриени и санкционирани 13 алкохолизирани. Од нив 10 во Тетово и 3 во Гостивар.

Возачите-прекршители веднаш се исклучени од сообраќај и изготвени им се законски предвидените поднесоци, информира полицијата.

При контролaта, исто така, санционирани се и 38 други видови сообраќајни прекршоци.

СВР Тетово апелира до возачите да не седнуваат зад волан под дејство на алкохол, зашто на тој начин ја доведуваат во ризик сопствената и безбедноста на другите учесници во сообраќајот. Ова, посебно се однесува на помладите возачи-почетници, но и на сите други.

СВР Тетово апелира, исто така, возачите да ја прилагодат брзината според условите на патот, посебно на автопатот Гостивар-Тетово-Скопје и пред се во вечерните и раните утрински часови.