Во Гостивар „изгорени“ 11 брзи возачи, во Тетово 32

Во рамките на континуираните контролни активности што ги спроведува СВР Тетово за брзина со која се движат возилата на тетовско-гостиварското подрачје вчера (3 мај) од 8 до 20 часот, вкупно се изречени 43 мерки за пречекорување на камсимално дзволената брзина, од кои 32 на тетовско и 11 на гостиварско подрачје. Од нив, 22 мерки се однесувале на пребрзо возење надвор од населено место, а 21 во населено место. Меѓу санкционираните, 4 возачи се движеле со брзина до 70 километри повеќе од дозволената брзина надвор од населено место и еден со брзина до 50 километри повеќе во населено место.

При контролата биле откриени и санкционирани и 33 други видови прекршоци.

СВР Тетово повторно апелира до возачите непотребно да не брзаат, особено по автопатот Гостивар-Тетово-Скопје, каде е и најголем бројот на санкционираните пречекорувања и годинава, но и на околните регионални патишта. Зашто, токму неприлагодената брзина и натаму е најчестата причина за случените сообраќајни несреќи и пред се за оние со потешки последици, наведуваат од полицијата.