Гостивар
Во Гостивар одбележан Светскиот ден на Ромите
Со свечена Академија и подигнување на ромското знаме на јарболот пред општинската зграда, во Гостивар денес се одбележа Светскиот ден на Ромите 8-ми Април. Празнувањето го организираше ромската заедница од Гостивар, со поддршка на локалната самоуправа. Градоначалникот Арбен Таравари, упати честитка до Ромите за денешниот ден и нагласи дека сите надлежни институции треба да се заложат за надминување на проблемите во однос на дискриминација и маргинализација на ромското население.
„Гостивар треба да биде пример за државата и другите градови, како различните етнички заедници можат да градат соживот, да живеат заедно едни со други. Не верувам дека постои друг град во кој тој етнички баланс се одржува како во Гостивар. Сите знаеме дека вие Ромите како заедница генерално сте биле дискриминирани, но должност и на централната и на локалната власт е да делува во насока да нема маргинализација и дискриминација“, изјави градоначалникот.
Свое излагање пред присутните имаше и советникот од Демократски сили на Ромите, Кашмир Салиу, кој меѓу другото се осврна на историското значење на 8-ми Април.
„Ова е голем ден и настан за нас Ромите и би сакал да ги запознаам и останатите граѓани со значењето на празникот. Од 8 до 12 април 1971 година во Лондон се одржал првиот Светски конгрес на Ромите, на кој присуствувале претставници од 14 земји во светот. На тој конгрес беа донесени неколку важни одлуки. Беше прифатено знамето кое е обележје на ромскиот народ и се состои од зелена боја која ја симболизира земјава, сина како симбол на небото и црвеното тркало, што ги претставува миграциите на Ромите. Исто така, беа прифатени химната и јазикот на Ромите.“, рече советникот.
Салиу изрази задоволство од чинот на подигнување на ромското знаме пред општината, како и негово поставување на јарболите низ градот и побара да се разгледаат правните можности, знамето во иднина да биде поставено и во салата на Советот, заедно со останатите знамиња.
Прославата на 8-ми Април во Гостивар ќе продолжи вечерва со Ромски бал.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар