Во Гостивар потврдени 52 нови случаи на корона минатата недела

Во периодот од 13 до 19 септември, тестирани се вкупно 28.972 материјали за коронавирус, а регистрирани сe 3.340 нови позитивни случаи, објави Институтот за јавно здравје во неделниот извештај. Просечно процентот на позитивност изнесува 11,4%. Најголем дел од регистрираните случаи се од Скопје (1.669), додека во Гостивар биле потврдени 52.

„Регистрирани се заболени лица во сите возрасни групи. Најзастапена е возрасната група на лица на возраст над 60 години (979). Најмал број е регистриран кај возрасната група од 0-9 години (143). Во однос на претходната недела, се забележува намалување на заболените лица кај сите возрасни групи, освен кај возрасните групи од 0-9 каде што има зголемување за 50,5% и кај возрасната група од 10-19 каде што има зголемување за 8,2%.“, стои во извештајот.

По добиени 2 негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 3.441 лица кои биле хоспитализирани или на домашно лекување. Во текот на мината недела вкупно се пријавени 23 реинфекции, намалување од 25,8% во однос на минатата недела.

Пријавени се 154 смртни случаи во 29 градови во текот на изминатата недела, најголем дел од нив се од Скопје (70), Куманово (12), Струмица (8) и Тетово (8). Најголем број (123) од починатите припаѓаат на возрасната група над 60 години.