Во Гостивар промовирана книгата „Меѓународно право за правата на човекот“ од проф. д-р Абдулмеџит Нуредин

Меѓународниот Универзитет Визион во Гостивар во чест на патронатот и празник на турското образование, 21 декември ја промовираше книгата „Меѓународно право за правата на човекот“ од проф.д-р. Абдулмеџит Нуредин. Се работи за стручно дело од вкупно 708 страници, составено од 76 тематски целини, групирани во четри поглавја: „Концептуалната рамка на правото за човекови права“,„Заштита на човековите права на универзална димензија “,„Заштита на човековите права на регионално ниво“ и „Заштита на човековите права во европското право“.

„Ова е исклучително значајна книга која ги надминува рамките на учебник за студентите и експертите во областа. Оригинална, внимателна, аргументирана. Оваа книга е прва книга објавена на турски јазик од областа на Меѓународно право за правата на човекот во нашата држава, а е четврта објавена книга на авторот“, беше речено на промоцијата.  Книгата е објавена од страна на Меѓународен Универзитет Визион во Гостивар.