Во Гостивар уапсец крадец од скопско Студеничани баран со потерница

Вчера (8 јуни) околу 13 часот на улица „ЈНА“ во Гостивар, полициски службеници на СВР Тетово – Надворешна канцеларија за криминалистички работи Гостивар го лишиле од слобода С.А.(54) од скопско Студеничани, осуден на затворска казна за сторени повеќе кражби и тешки кражби, а кој се барал со потерница, информираат од полицијата.

С.А. се сомничи дека изминатите три години на гостиварското подрачје извршил неколку тешки кражби, претежно во цркви, како и повеќе тешки кражби на други подрачја во нашата држава, исто така, најмногу во верски објекти.

С.А. задржан е во Полициската станица Гостивар и по целосното расчистување и документирање на случајот ќе му бидат изготвени соодветни поднесоци, по што ќе биде спроведен во Казнено-поправната установа  „Идризово“ во Скопје за издржување на затворската казна.