Во Италија се одржа 4-ти Ден на Скудриње – забава, спорт, песни и ора

Манифестација којашто се одржа изминатиот викнед во Видор, Италија на едно место собра над 3.000 граѓани кои имаат корени од долнореканското село Скудриње. Станува збор за настанот 4-ти Ден на Скудриње, што го организира здружението “МакИтТурк”.

Во рамки на прославата, свој настап имаа играорните групи од О.У „Блаже Конески“ од Скудриње и од здружението „МакИтТурк“ заедно со познатата дебарско-мијачка група Мајовци, а дел од музичката програма беше и бендот „Огнени Момчиња“. Се одржаа спортски натпревари во мал фудбал и во шах. За љубителите на магионичарските трикови свое шоу приреди магионичарот Зулбеар Фетовски- “Maggo Zuber”.

„На овој празничен ден беа собрани сите скудринчани на едно место од повеќе земји како и гости од долнореканскиот и дебарскиот крај. Нареден настан ни е 5-ти Ден на Скудриње, кој ке се одржува во селото Скудриње на 14 август 2020 година. Секој добронамерен човек е добредојден на овие прекрасни забави и дружења.“, велат организаторите.
Здружението МакИтТурк (МакедонијаИталијаТурција), чиј претседател е Елмин Ибраимоски е формирано од млади жители Скудриње, со цел да ги спојува граѓаните од ова место, со своите сожители кои се раселени Италија и Турција.