Во Косово потврден индиски сој на коронавирус кај две лица

Косовското Министерството за здравство попладнево информираше дека во земјата се идентификувани два случаи на делта (индиски) сој на коронавирус. Според надлежните, тестирањето на примероците било извршено во Институтот за вирусологија на Универзитетската клиника во Берлин, од каде ги потврдиле двата случаи.

„И двата пациенти покажаа симптоми, но веќе се опоравија и се дома. Нивната изолација заврши. Надлежните тимови веќе ги следеа сите можни извори и контакти за да спречат понатамошно ширење на вирусот. Варијантата Делта за прв пат е откриена во Индија во декември 2020 година, а досегашните истражувања сугерираат дека таа може многу брзо да се шири, позаразна е дури и од алфа (британска) варијантата. Превентивните мерки се исти. Поединци кои имаат позитивен тест треба да останат дома за да спречат ширење на вирусот во семејството и заедницата. Со намалување на контактите, ќе биде можно да се запре ширењето на инфекцијата.“, соопшти Министерството за здравство на Косово.