Во петок после полноќ во Гостивар ќе се прска против комарци – пчеларите да ги заштитат пчелите

Првата фаза на дезинсекција за уништување на комарци и други штетни инсекти на подрачјето на Гостивар ќе се спроведе во петок (12 јули). Од Општина Гостивар соопштија дека прскањето ќе се изведува навече, односно после полноќ до раните утрински часови, под услов да владеат поволни временски прилики.

Со дезинсекција ќе бидат опфатени следните локации: ул. “Живко Брајкоски” – Градски парк од левата страна на реката Вардар, ул. “М.Ч. Филипоски” – Градски парк од десната страна на реката Вардар, Градска болница, ул. “ЈНА” до Здуњска раскрсница, коритото на реката Вардар во атарот на село Равен, каналот од Здуњска раскрсница – Шеcта зона – Малеарди – ул. “Борис Кидрич“ – ул. Беличица до населба Фазанерија – населено место Бањица – Булевар “Браќа Ѓиноски“, преку градски плоштад до излезот на градот кон село Чајле, се до река Јахорка во Форино.

Во случај на време со дожд или силен ветер, дезинсекцијата ќе се одложи.

Локалната самоуправа упати апел до одгледувачите на пчели да ги преземат соодветните мерки за заштита, односно да ги засолнат пчелите во сандаците и да обезбедат потребна количина на вода за држење на пчелите затворени минимум 5-6 часа пчела по третманот на подрачјето.