Временска прогноза за Гостивар – Температурите во пораст

Конечно по периодот полн со облаци, дождови и ниски температури, настапува стабилизација на временските прилики и затоплување.

Новата недела во гостиварскиот регион започнува со сончево време проследено со мала до умерена облачност. Утринските температури се движеа околу 16 степени, а дневните ќе достигнат 29. Во попладневните часови има мали услови за појава на грмежи и краткотраен дожд. Слично време не очекува и утре, вторник.

Од среда до петок пак, температурите ќе бидат во пораст и ќе достигнат до 31 степен. Ќе владее сончево и стабилно време. Со порастот на температурите, се зголемува и УВ зрачењето кое ќе се движи од 8 до 10. Лицата кои се почувствителни на сончевите зраци треба да ја заштитат својата кожа.