За љубителите на тиквици – ручек готов за само 20 минути

Едноставен, брз и вкусен ручек, кој особено ќе им се допадне на оние што ги сакаат тиквиците. Рецептот може и да го измените, па наместо тиквици на ист начин да подготвите модри патлиџани.

Состојки:

• 3 тиквици (малку поголеми)
• 2 лажички маслиново масло
• 3 млади кромитчиња
• гранче босилек
• 150 g изрендан ајдамер кашкавал
• 2 јајца
• 100 ml хопла за готвење
• 2 чешниња лук
• малку морско оревче
• сол, бибер
• по желба магдонос, блитва
• 2 лажици пармезан

Подготовка:

1. Загрејте ја рерната на 200 степени.
2. Тиквиците, измијте ги, исушете ги и исечете ги на тенки парчиња. Посолете.
3. Исецкајте ги младите кромидчиња, исецкајте го босилекот и изрендајте го кашкавалот. Ако тиквиците пуштиле вода, малку исцедете ги и потоа промешајте ги со кромидчињата, босилекот и кашкавалот.
4. Садот за печење премачкајте го со маслиновото масло па во него распоредете ги подготвените тиквици.
5. Изматете ги јајцата, додадете ја хоплата, исецканиот лук, малку посолете и забиберете и додадете го морското оревче. Сето тоа прелијте го преку наредените тиквици.
6. Печете во загреаната рерна 15 минути па потоа нанесете го пармезанот и печете уште некои 5 минути додека не добиете румена боја.
7. Послужете го топло како самостојно јадење или како прилог.