За младински додаток од 50 евра во Гостивар пријавени десетина лица

За користење на месечен младински додаток, во Центарот за вработување во Гостивар до сега се пријавиле десетина лица. Се работи за мерка што се однесува на млади до 23 години коишто имаат завршено најмалку средно образование и работат во производствена дејност или се индивидуални земјоделци. Месечниот младински додаток е во висина од 3.000 денари и се исплатува на личната сметка на корисникот, а не преку фирмата каде е вработен.

„Тоа е додаток на платата од 3.000 денари и младите вработени во фирми до производствена дејност може да го користат додека не наполнат 23 години. Во Гостивар до сега за младински додаток аплицирале десетина лица, а веројатно ќе има уште заинтересирани што ќе се пријават“, рече Хисен Амзаи, раководител на Центар за вработување Гостивар.

Младински додаток може да користи младо лице кое ги исполнува следните услови:

-е опфатено со задолжително социјално осигурување по основ на вработување кај работодавач или самовработување со претежна производствена  дејност;

-е вработено во приватна агенција за вработување и е отстапено на работа кај работадавач со претежна производствена дејност или

-е опфатено  во задолжително социјално осигурување како индвивидуален земјоделец