Заев: Повикувам на брзи предвремени избори

„Ни беше направена голема неправда, ние ги завршивме нашите обврски, ги спроведовме реформите и ги решивме споровите со соседите. ЕУ не го исполни тоа што го вети и тоа е нивна историска грешка. Факт е дека ние сме жртви на историска грешка на ЕУ и тоа кај сите нас предизвикува огромна огорченост. Јас сум разочаран и лут и знам дека целиот наш народ така се чувствува. Ова неисполнето ветување е исклучително лоша и неправедна постапка на Унијата. Тоа е одлука заради нивни нерешени внатрешни работи и тоа не можеме да го промениме. Поаѓајќи од моите уверувања дека секој политичар мора да биде одговорен, чесен и доблесен и одговорно излегувам пред граѓаните. Порачувам дека европскиот сон на нашиот народ нема да биде срушен. Сега е потребен вашиот став, немаме време за губење. Мојот предлог е организирање на предвремени изори, најбрзо што може, избори на кои вие граѓаните ќе донесете долука и потврда за патот по кој треба да продолжи нашата земја. Тоа е мојот предлог кој ќе го дадам на утрешната лидерска средба кај претседателот Пендаровски. Граѓаните имаат мандат да одлучат. Дали да одиме по патот на развојот и просперитетот, што води напред или да одиме по патот на национализам, поделби и конфликти, кој води назад. Јас сум подготвен, мојата политичка партија е подготвна, ние не се предаваме, ќе се бориме храбро и пркосно.“, изјави на денешната прес конференција премиерот Зоран Заев, одржана по вчерашното недобивање на датум за почеток на пристапни преговори со ЕУ, поради блокадата на Франција.