Заев се вакцинираше со Синофарм, ги повика граѓаните да се пријават за вакцинација

Премиерот Зоран Заев денес се вакцинираше против ковид во салата „Борис Трајковски“ во Скопје. Заев прими вакцина од кинескиот производител Синофарм.

„Туку што ја извршив мојата лична, но и граѓанска должност и ја примив првата доза од вакцината на „Синофарм“, односно онаа вакцина којашто беше во моментот на располагање, кога ми дојде мене редот согласно националниот план за имунизација. Се чувствувам одлично и ќе ја продолжам мојата дневна работна агенда и во попладневните часови. Ги охрабрувам сите граѓани да се пријават за термин за вакцинација на веб-страницата www.vakcinacija.mk, бидејќи тоа е единствениот ефикасен начин за заштита од коронавирусот. Вакцините се безбедни, проверени, тестирани и навистина, колку побрзо заврши процесот на имунизација толку побрзо ќе заврши оваа борба со овој невидлив непријател.“, изјави претседателот на Владата.